Comunicado de prensa 18. diciembre 2003

Jun navidad jelel

SLOK´OB´AL MUK´UL UTZ´INTAEL

Ja´ jech sb´i ta tzotzil Columna de la Infamia. Li´ smu´kta lok´ob´al utz´intaele ja´ te oy ta comunidad Acteal ta yosilal Chiapas ta sjunlijil slumal México. Li´ mu´kta lok´obalile ja´ no smotonik xtok sbenta navidad ti indigenaetike, la ya´k tal jpas lok´om danés Jens Galschiot

Li´ bokolile ja´ liktal k´alal lajik ta milel 45 indigenaetik sb´atz´ilik sk´opanel jch´ul totik k´uch´aluk oyuk k´anu´mb´ail ta sna slumal ti Chenalhoe, ta yual 22 de diciembre ta yab´ilal 1997. Naka epal antz xchuuk ololetik lajik ta milel yu-un ti paramilitaretik k´alaluk laj k´otanikuk ti ta b´ik´it ch´ulna pasb´il ta te-e. Mu´yuk epik ti jmilbanejetik a´kb´il lek tztoj smulike, oyik to ep ti b´och´otik koltab´ilik yu-un ti chopol ajualile.

Congreso Nacional Indígena xchuuk Jens Galschiot la yak´ik ta yab´ilal 1999 ta xchib´alik slok´ob´al ti muk úl utz´intaele k´uch´al mu xi´ch ch´ayel ta o´ntonal ti bokol e´ch ta Acteale. Mu´kta lok´ob´alile ja´ cha´k ta ilel slok´ob´al 50 ta kot ti b´och´otik bokolajike k´uch´al snet´anoj sb´aik komike. Ta 1997 Galschiot la spas jun b´a-ay lok´om ta Hongkong k´uch´aluk cha´k ta bi´najesel jun muk´ul milb´ail bu´ ta plaza yu-un Tiananmen ta slumal Pekin China. Scha´ kotal mu´kta lok´ob´alile laj yi´ch pasel ta Brasil ta yab´ilal 2000 sbenta chi´ch ak´el ta otkinel lajik ta milel campesinoetik ch´ab´al yosil sb´anamilik. Prensaetike mu´yuk xjalijik ta ya´kb´el sb´i ba-ay ja´ la ya´kb´ik sb´i premio nobel del crimen.

Li´k´ak´al tanae ja´ noox alb´il ya´yejal ta ingles xchuuk ta español, k´opetik mu xi´ch lek a´yb´el sk´oplal yu-un ti jkaxlanetike, ja´yo jech o xal la yi´ch pasel sk´oplal ta jk´optik tzotzil. Traduccionetike laj yich´an takel b´atel ta Dinamarca, ja´ te b´u nakal ti jpas lok´om Jens Galschiot k´uch´aluk ta spas tal sb´asuje´m ta tzotzil.

Nutzat lok´el ti jpas lok´ome

Li´ mu´kta lok´ome oy ben mu´k stunesub´il ta 22 ta jujun-u k´alaluk ta xi´ch pasb´el sk´inik ti b´och´otik laj snupanik bokole, ja´to chlaj me la yi´ch nupel ti navidade, k´alal ben ep b´och´otik chlaj k´otanikuk ti ta jujun slaje´m ab´ile, yu-un ja´ smu´kta na-ub´ilik ti b´och´otik lajanike, ja-o ben ep jk´elbanejetik chlaj talanikuk ta yantik b´anamil. Li´ ab´ile Doris Palvio xchuuk Mikkel Iversen likemik tal ta Dinamarca ta xak´ik ta k´ab´al ti ach placaetik pasanb´il ta bronce ta stojolik ti indigenaetik ta Acteale, ja´ takb´ilik tal yu-un Jens Galschiot. Galschiot nutzat lok´el ta México k´alaluk la yotes komel ti mu´kta lok´om ta yab´ilal 1999, baay te alb´at ti muxa la b´ak´in xu´ tzut-o-tal ti ta yosilal Méxicoe.

Ep li k´exo me k´alaluk la sk´anb´ikun ta jb´asujes ta b´atz´i k´op placaetike. Chopol jutuk la ka-ay jb´a jech k´uch´al ti sna slumal indigenaetik tzk´anik chi´ch ich´el ta mu´k culturas indígenas ja´ ti yu-un mu jna´ e´k ti sk´opike. Ja´nox ja´ la jpas yak´ub´il ta otkinel ta sk´opik ti sakil binik antz, ja´nox yu-un-u lajxa jmeltzan me ba-a-ye, xi ti jpas lok´ome.

¡Lajukxa k´op ti utz´intaele!

Li´ ta a´ch ab´ile ja´ slajuneb´al ab´il slikel ti xanub´al yu-un ti EZLN (Ejército Zapatista de Liberación Nacional), k´alaluk ti ochik ta Jov´ele laj ochanikuk ta chani´m yantik municipioetik ta yosilal ti Mexicoe ta yual primero enero ta yab´ilal 1994. Indigenaetike laj yalik Lajukxa k´op ti uzt´intaele, ch´ayu´m o´ntonal, jipel, b´ajel, e´chxa ta 500 jab´il ba-ay la sujik ti ajualile ak´o xi´ch ich´el ta mu´k chuuk ak´o xi´ch tunesel ti leyetike.

Ep boch´otik ti mu xa-ayb´ik stuk´il ti k´usitik tzk´anik ti pueblo indigenaetike, ja´nox yu-un ti Mexicoe oy jun sconstitución jech k´uch´al yantik muk´ul lumetik b´u chal ti oy k´anu´m b´ail ta jkotoltik ti jechuke, kapal xu´la ta jtunestik scotol ti k´usitiko-noox oy ta yut ti cosil jb´anamiltike. Yuun ta b´atz´i melel ti ajualile mu sk´an xi´ch ta mu´k ti k´usitik laj yich´an chapanel ta cuerdoetik yu-un San Andrés ta sk´ak´alil 16 ta yual febrero ta yab´ilal 1996, ja´nox ja´ oy ele´k, utz´intael. Xchuuk chak´ik ta ilel ti muxa sk´an xchotijik ta loil xchuuk ti EZLN, b´u mu´yuk xch´unoj chak´ik ta ilel ti 3 señal sk´anoj ti organizacione, sbenta xu´ chcha´ chotijik ta xchapanel ti a´yej lo-ile.

Ja´ jech la slo-ilta komel primer ministro yu-un Dinamarca k´alaluk ay ta México ta sk´ak´alil noviembre ta yab´ilal 2003. Li´ primer ministro ta sbenta Dinamarcae Anders Fogh Rasmussen la yal komel ti jech k´uch´al oy ya´mtel ta Unión Europea, solel ben la lek laj yil b´atel ti k´ux-en chich pasb´el ya´mtelal derechos humanos li´ ta Méxicoe, xchuuk jech k´uch´al ti ja´to la lo´k oxi´m ab´il ti yochel ta a´mtel ti presidente Vicente Fox, solel lekub´enxala xkuxlejal ti slumal indigenaetike. Ja´nox k´usie epal organizacionetike mu´yuk b´u jech chilik ti k´ux-en laj yal komel ti embajadore. Ti puebloetike yo´tola ep chilik utz´intael mu´yuk avance xchuuk mu´yuk ich´el ta mu´k yu-un ti ajualile.

Jech k´uch´al ti mu´yuk ich´el ta muk´ ta sjunlijil b´anamile, ja jech sbi´naje´m-o ti ep b´och´o chtal koltabanikuk xchuuk chtalik ta k´elbanej ku-untik ta jujun ab´il jech k´uch´al ta sk´in ti kermanotaktik ta acteale, ta stoyel ti smu´kta lok´ob´al ti utz´intaele, chtal yak´ik spatub´il ko-ontontik, stzatzu´mtasub´il ko-ontik xchuuk kol jnich´ontik ti lajik ta utz´intaele.

Fotos de la Columna de la Infamia en México se encuentran sin costo en: www.aidoh.dk/photos/photoposmex-index.htm

Para más información: Jens Galschiot - Banevaenget 22, DK-5270 Odense N, Dinamarca
Tlf. (+45) 6618 4058 - Fax (+45) 6618 4158 - E-mail: aidoh@aidoh.dk - Info: www.aidoh.dk

Contacto a Doris Palvio en México: palvio@yahoo.com
Contacto a Mikkel Iversen (CIEPAC) en México: Tel. (967) 674 5168, mive98@hotmail.com
Las Abejas en Acteal: xarupe@hotmail.com

Sobre la situación en México:
www.ezln.org (los zapatistas) y
www.laneta.apc.org/cni/ (el Congreso Nacional Indígena)

Acteal, 22 December 2003